contoh ruma Melayu lamo 

Rumah melayu lamo, di Joho 

Azri semaso becuti di Johor Baru, rayo cino 2005, Gambau di Danga Bay. 

Amak Dua ari sekali kono hemodialysis, dulu dimentokab, sekarang dah pindah sepite baru Temolo. 

Mesojik Putrajaya 

KRS SK KEPONG, Azri dan Zaid 

Kami sekeluago kePutrajaya semaso hari Buruh 

Maso Raha Bertunang, dengan kakalong 

amak - Halijah Binti Tasir 

Abah 

Kawat 

Urang Awak di Temolo pun suda seratui tahun 

Seratui Tahun MCKK 

Bang Ngah Meningge

Pado pagi sabtu, 26hb Mac, dapek SMS dari Nasir Loni, yang bang Ngah dah meningge. Bang Ngah atau Amirudin Haji Yusof, pemain bola Pahang pado tahun enampulohan dan awal tujuh pulohan, perona menjadi Kapten Pasukan Pahang, ado lah salah sorang Lagenda diTemelo.

Inyo, adolah anak keduo, Pak aji Yusop, jugo telah memimpin Kelab sukan Pemuda Termeloh
dan saurang yang sentiaso kelihatan tersonyum. Inyo adolah pesaro JKR, dan pado akhir akhir sebolum sakik membawak teksi, dan tingge diBangau besamo isteri nyo setelah rumah tanggo nyo dengan isteri pertamo tidak koke.

Inyo tontu kelian akan ingek dengan lagu nyo "Ayam den Lape" dan selalunyo akan penjadi pengapik urang bersanding.

Beliau dikatokan mengidap sakit Canser, mulo dilehe kemudian nyo ke poruik.

Inna Lillahi Wainna Illaihi Rajiun...

Surau Kepong Indah

Malam malam awak lazim ke surau di Kepong Indah, sanun ado beberapo geng pencen, Imam dulu krojo Risda di Temolo, Pak Ali dulu Aktif dalam Persatuan Sekerja, Bahrin, Raja. Ado Azizan bagai.

Yaakup, Mohd Nor boke Polis, Cekgu Rahim, Deris dan beberapo lagi wak wak indonesia. Kalau ado maso mungkin ado cerito cerito tentang member surau ni.. Malam tadi bagi pinjam buku Memoir Ibrahim Chik kek Imam, dan Memoir Kesatuan sekerja kek Pak Ali.

Awak maso ni tonga baco Memoir Shamsiah Fakeh

La lamo endak menuli.

Menuli ni ikuik mood. Kadang Rajin kadang male... Tapi la temulo kono toruih. Baru ni kami anak beranak pegi ke JB. Jalan, Makan angin, kami bemalam di M suite, Danga Bay. Dulu danga ni sebonau nyo Pantai Lido. Namo dah bertukau, dan lah cantik onau di buek dek urang. Kami bemalam 3 malam. Sompek jo bawak budak budak ke Desaru. Dulu pronah pergi maso krojo Asean, dan ni kali keduo. La banyak Hotel, tapi cuaco pane, mungkin musim pane, tapi mungkin di sunun memang sentiaso pane...Dak jo obe dek awak.

Pue jo budak budak ni. Kami jalan jalan ajo, makan makan dan nengok nengok tompek urang.

Maso balik kami masuk ke Batu Pahat.Tujuan nyo nak cari beriani Gam, Kato nyo di Batu pahat tompek beriani Gam. Tercari cari, akhir nyo sampai, Malang nyo kodai dicari tutup hari jumaat. Nasib baik kodai sebola ado jo jue... tapi tak lah ori saperti yang di cari tu, Beriani Mat shah, doket jampatan, dopan sepite ado gerai gerai makan... Kalau ke sanun cubo la.

Jan 2005

Baru baru ini YB Syakar dengan YB Hj Medan datang ke Balai rayo batu satu.Semaso perbukaan majlis awak ado menyebuik yang Kampung ini bukan kampung Baru. Alangkan kampung baru cino dapek macam macam. Kampung ini tela di asaskan pado awal taun sembilan boleh dan generasi yang ado disini adola generasi keompek kelimo.

Jadi kami mintak lah agar pihak kerajaan pandang sikik permasaalah masyarat di sini.

Masalah pertamo nyo iola kerano tokompek tak ade. tompek mengadu tak ade.
Jadi tak eran lah kalau aduan hanyo di kodai kopi dan akhir nyo maso memamkah undi.

Masyarakat di sini ado Pride nyo. Kalau inyo nak buek mesojik, inyo buek tak paya kerajaan bagi pun inyo bule kutik duik. Buek mesojik lobeh cantiuk dari mesojik urang.

Urang mintak sekola, inyo buek sekolah untuk urang. Sekola alkhairiah inyo pakat bangunkan ramai ramai, kongsi duik kongsi tenago dan samo samo menjayokan nyo. Sampai buek konsert untuk kutik duik. Rato cari urang untuk menguruskan sekola.

Bilo inyo sora sekola kek kerajaan, pengurusan baru seko tak bagi inyo main di padang tu...Goram lah budak budak tu.

Dikubu pado 2 hari rayo

Setiap dua hari rayo masyarakat kito bekumpui di kubu conge. Ini dah berturuisan sejak begitu lamo dan dah tak ingek bilo ionyo bemulo. Lamo tak lamo nyo mase ingek bilo awak kenek lagi, dan dapek berato untuk menerimo duik rayo di kubo conye.

Tapi kini awak dah dokek nak mencapai limo pulo tahun. Tontu lah adat ni begito lamo di buek tiap tiap tahun sehinggo kito tak prona betanyo bilo ionyo bermulo.

Sambe menengok dari jauh, urang urang sibok mencuci kubo keluargo terdoket, mencabuik rumpuik, menbaco doa, yasin dan sebagai nyo. Disebola iolah YB ustad Ridwan, dan inyo kato kito haruih buek pembaharuan dalam pengurusan majlis seproti ini. Misal nyo berapo nak bagi tu bule di totapkan terlobe awal, samo ado 5 ringgit ko, dan segalo kutipan tahun ini bole di masokkan ajo kedalam bank. Tak paya kiro, kutip, kiro dan bahagi berapo banyak nak di bagi budak budak. Itu terlalu cerewek dan mengambek maso. Kubu disini bole menjadi kubu bosau, kato nyo bukan saproti kubu inyo di Jendorak, tak ramai urang datang.

Ustad kato, Awal, ustad dah kaji dan keliti, pengurusan ni ado tigo yang prolu.
1. Misti Tau.
2. Misti ado keinginan
3. Misti Berani.

Cukuik tigo ini somo b ondo bule jadi, kato YB ustad Riduan.

Wo Tenggeno Meningge

Wo tenggeno dah meningge..itu message yang diterimo semaso dalam perjalanan balik ke Temolo. Wo Tenggeno adola isteri Datuk Taib yang ketigo. Dan setelah Datuk meningge pado tahun 1945? wo tingge sensurang. Dan Wo meningge dokat onam pulo tahun sesudah datuk meningge. Tak ade anak nyo. Nasib baik Ochu atid sekeluargo yang menengok nengok wo. Wo terselior kaki nyo limo onam tahun yang lope dan tidak dapek berjalan. Bosau pahalo Ochu Atid dan anak anak inyo. Jugo disobuik mengidap cancer of the Breast. Semoga Allah mencucuri rahmat keatas wo...

Lah, ingek inyo tak prona bersuami, kato sesaurang setolah awal cakap Wo ini isteri datok saya yang Ketigo.

Baru ni terjumpo dalam net...

Terjumpo dalam net satu gambau lamo. Gambau Kualo Semantan Lamo. Ado beberapo kedai di topi sungai Pahang. Kodai kodai itu adolah kodai sebolun tahun 1926 kerano kodai kodai itu hanyuik semaso banjir basau Pahang. Salah satu kodai itu adola kepunyaan Datuk kami, Taib bin Abdullah. Inyo, satelah beberapo lamo mengala disungai pahang dari Temolo ke Lipis dan kadang nyo ke Pokan, akhir nyo inyo mendirikan kodai ditopi Kualo Sungai Semantan.

Balik keTemolo cakap kek adik adik, Datuk kelian adola paineer yang mulo mendirikan kodai diTemolo. Tahun lope abang ke Dubai. Kawan abang disanun Zahid alQubaishi. Datuk inyo jugak peneroka bandar Dubai. Tapi Zahid kayo rayo, sebab dubai membosau satela jumpo minyak. Tapi Zayed pun totap rajin beusoho walaupun tigo bank di abu dhabi dan dubai inyo punyo.

Kelian masih lolok ajo. Sentiaso dalam cuti. Perpertual Holiday. Tak payah bangun pagi, tak payah cari krojo. tak payah susah cari duik. Tapi krojo kelian buek ni kono lah kelian kayo dulu. kalau tidak mano bule cuti memanjang.

Satelah kodai itu hanyuik, datuk  mendirikan kodai inyo dokek dopan mesojik bosau sekarang, bari kodai Hassan Umo, dan kemudian nyo baru pindah ke Bari Lentang. Itu lah srebo sedikik cerito hari ini.