Naik Rumah Baru

Tana petamo yang didevelop secaro komersial di
Kampong kito iola tanah Arwah Haji Wahab. Takuik nyo
tompek tu tak diboli dek urang melayu, namo yang di bagi
iola Taman Muhibah. Tompek nyo botoi botoi seborang jalan
dopan sekolah ABS. Tana ni sebola tana Hj. Sidin Urang Kayo Semantan.

Terdapek tigo jenis, Sebari ruma Kodai, Dua bari ruma
duo tingkek dan selainnyo ruma teres.

Dah tetuli di Azali, kami berompek beradik
boli ruma duo tingkek disitu. Baie, Mimi, Ila, dan awak.

Mulo pinda mimi, lope itu ila, lope tu baie, last kami.

Minggu lope kami kebetulan bemesyuarat dengan urang surau
bincang tontang majlis kenduri ompek haribulan. Ramai datang.
Mulo dengan Jamuan makan, selope waktu isha.

Raha Kahwin, adik bongsu, jadi nak buek kek ruma ni.

Tak buek dikek ruma amak?

Sompik tak ade tompek parking, tak ade tompek buek khema.

Sudah mesyuarat baco doa, dek imam Ahmad hamidi.

Sekalikan ajo doa naik ruma baru.

Alhamdullilah selosai.

Bebulan dah tetingge yang ni...

Tu lah, bilo buek sesuatu yang tak teraso
enta ado indak urang baco.

Tapi semalam ado sesuatu yang membuek supayo
menjongouk semulo tempek iko.

Semalam pegi ke Mentokab, kek Tanjung Kerayong,
Kenduri rumah Ibu. Ramai botoi urang datang,
lamo dak tengok seramai itu urang datang kenduri kahwin.

Olah makan jumpo Marzy, Inyo kato 27 ni ado perjumpaan
di Batu Kapu. Gen Amir membawak Gabenor Riau ke tompek inyo.
Majlis pagi sampai potang.

Sebolum itu maso ari rayo keduo, awak pun ado menghadiri
majlis, Perjumpaan anak anak tanjung Kerayong di Resort Bukik Bedero.
Ramai hadir dan patuik di sanjung usoho murni tu.

Kito, bilo pulo, Ala seratui tahun agak nyo di batu satu ni...
Centenary Urang Awak ditemolo????

contoh ruma Melayu lamo 

Rumah melayu lamo, di Joho 

Azri semaso becuti di Johor Baru, rayo cino 2005, Gambau di Danga Bay. 

Amak Dua ari sekali kono hemodialysis, dulu dimentokab, sekarang dah pindah sepite baru Temolo. 

Mesojik Putrajaya 

KRS SK KEPONG, Azri dan Zaid 

Kami sekeluago kePutrajaya semaso hari Buruh 

Maso Raha Bertunang, dengan kakalong 

amak - Halijah Binti Tasir 

Abah 

Kawat 

Urang Awak di Temolo pun suda seratui tahun 

Seratui Tahun MCKK 

Bang Ngah Meningge

Pado pagi sabtu, 26hb Mac, dapek SMS dari Nasir Loni, yang bang Ngah dah meningge. Bang Ngah atau Amirudin Haji Yusof, pemain bola Pahang pado tahun enampulohan dan awal tujuh pulohan, perona menjadi Kapten Pasukan Pahang, ado lah salah sorang Lagenda diTemelo.

Inyo, adolah anak keduo, Pak aji Yusop, jugo telah memimpin Kelab sukan Pemuda Termeloh
dan saurang yang sentiaso kelihatan tersonyum. Inyo adolah pesaro JKR, dan pado akhir akhir sebolum sakik membawak teksi, dan tingge diBangau besamo isteri nyo setelah rumah tanggo nyo dengan isteri pertamo tidak koke.

Inyo tontu kelian akan ingek dengan lagu nyo "Ayam den Lape" dan selalunyo akan penjadi pengapik urang bersanding.

Beliau dikatokan mengidap sakit Canser, mulo dilehe kemudian nyo ke poruik.

Inna Lillahi Wainna Illaihi Rajiun...

Surau Kepong Indah

Malam malam awak lazim ke surau di Kepong Indah, sanun ado beberapo geng pencen, Imam dulu krojo Risda di Temolo, Pak Ali dulu Aktif dalam Persatuan Sekerja, Bahrin, Raja. Ado Azizan bagai.

Yaakup, Mohd Nor boke Polis, Cekgu Rahim, Deris dan beberapo lagi wak wak indonesia. Kalau ado maso mungkin ado cerito cerito tentang member surau ni.. Malam tadi bagi pinjam buku Memoir Ibrahim Chik kek Imam, dan Memoir Kesatuan sekerja kek Pak Ali.

Awak maso ni tonga baco Memoir Shamsiah Fakeh

La lamo endak menuli.

Menuli ni ikuik mood. Kadang Rajin kadang male... Tapi la temulo kono toruih. Baru ni kami anak beranak pegi ke JB. Jalan, Makan angin, kami bemalam di M suite, Danga Bay. Dulu danga ni sebonau nyo Pantai Lido. Namo dah bertukau, dan lah cantik onau di buek dek urang. Kami bemalam 3 malam. Sompek jo bawak budak budak ke Desaru. Dulu pronah pergi maso krojo Asean, dan ni kali keduo. La banyak Hotel, tapi cuaco pane, mungkin musim pane, tapi mungkin di sunun memang sentiaso pane...Dak jo obe dek awak.

Pue jo budak budak ni. Kami jalan jalan ajo, makan makan dan nengok nengok tompek urang.

Maso balik kami masuk ke Batu Pahat.Tujuan nyo nak cari beriani Gam, Kato nyo di Batu pahat tompek beriani Gam. Tercari cari, akhir nyo sampai, Malang nyo kodai dicari tutup hari jumaat. Nasib baik kodai sebola ado jo jue... tapi tak lah ori saperti yang di cari tu, Beriani Mat shah, doket jampatan, dopan sepite ado gerai gerai makan... Kalau ke sanun cubo la.

Jan 2005

Baru baru ini YB Syakar dengan YB Hj Medan datang ke Balai rayo batu satu.Semaso perbukaan majlis awak ado menyebuik yang Kampung ini bukan kampung Baru. Alangkan kampung baru cino dapek macam macam. Kampung ini tela di asaskan pado awal taun sembilan boleh dan generasi yang ado disini adola generasi keompek kelimo.

Jadi kami mintak lah agar pihak kerajaan pandang sikik permasaalah masyarat di sini.

Masalah pertamo nyo iola kerano tokompek tak ade. tompek mengadu tak ade.
Jadi tak eran lah kalau aduan hanyo di kodai kopi dan akhir nyo maso memamkah undi.

Masyarakat di sini ado Pride nyo. Kalau inyo nak buek mesojik, inyo buek tak paya kerajaan bagi pun inyo bule kutik duik. Buek mesojik lobeh cantiuk dari mesojik urang.

Urang mintak sekola, inyo buek sekolah untuk urang. Sekola alkhairiah inyo pakat bangunkan ramai ramai, kongsi duik kongsi tenago dan samo samo menjayokan nyo. Sampai buek konsert untuk kutik duik. Rato cari urang untuk menguruskan sekola.

Bilo inyo sora sekola kek kerajaan, pengurusan baru seko tak bagi inyo main di padang tu...Goram lah budak budak tu.

Dikubu pado 2 hari rayo

Setiap dua hari rayo masyarakat kito bekumpui di kubu conge. Ini dah berturuisan sejak begitu lamo dan dah tak ingek bilo ionyo bemulo. Lamo tak lamo nyo mase ingek bilo awak kenek lagi, dan dapek berato untuk menerimo duik rayo di kubo conye.

Tapi kini awak dah dokek nak mencapai limo pulo tahun. Tontu lah adat ni begito lamo di buek tiap tiap tahun sehinggo kito tak prona betanyo bilo ionyo bermulo.

Sambe menengok dari jauh, urang urang sibok mencuci kubo keluargo terdoket, mencabuik rumpuik, menbaco doa, yasin dan sebagai nyo. Disebola iolah YB ustad Ridwan, dan inyo kato kito haruih buek pembaharuan dalam pengurusan majlis seproti ini. Misal nyo berapo nak bagi tu bule di totapkan terlobe awal, samo ado 5 ringgit ko, dan segalo kutipan tahun ini bole di masokkan ajo kedalam bank. Tak paya kiro, kutip, kiro dan bahagi berapo banyak nak di bagi budak budak. Itu terlalu cerewek dan mengambek maso. Kubu disini bole menjadi kubu bosau, kato nyo bukan saproti kubu inyo di Jendorak, tak ramai urang datang.

Ustad kato, Awal, ustad dah kaji dan keliti, pengurusan ni ado tigo yang prolu.
1. Misti Tau.
2. Misti ado keinginan
3. Misti Berani.

Cukuik tigo ini somo b ondo bule jadi, kato YB ustad Riduan.